Mayın 26-27-nə DİQQƏT: Bu iki gündə özünüzü qoruyun – SƏBƏB
Mayın 26–27-də Günəşdə alışma aktivliyinin aşağıdan orta səviyyəyədək olacağı, eyni zamanda ən yüksək – X sinifli alışmaların da mümkün olduğu proqnozlaşdırılır.
TodayPress TV xəbər verir ki, bu barədə TASS-a Tətbiqi Geofizika İnstitutu məlumat verib.
Məlumata əsasən, qeyd olunan tarixlərdə Günəşdə alışma aktivliyi əsasən aşağı və orta səviyyədə gözlənilsə də, yüksək güclü X sinifli alışmaların baş vermə ehtimalı istisna edilmir.
Bildirilib ki, Günəş alışmaları rentgen şüalanmasının gücünə görə A, B, C, M və X olmaqla beş sinfə bölünür. Ən aşağı A0.0 sinfi Yer orbitində hər kvadrat metrə 10 nanovat gücündə şüalanmaya uyğun gəlir. Hər növbəti sinfə keçid zamanı şüalanma gücü 10 dəfə artır.
Qeyd olunub ki, Günəş alışmaları günəş plazmasının kosmosa atılması ilə müşayiət oluna bilər. Bu plazma buludları Yerə çatdıqda maqnit qasırğalarının yaranmasına səbəb ola bilər.
