ETSN plastik çirklənmə ilə mübarizə mövzusunda tədbir keçirdi
Birləşmiş Millətlər Təşkilatının (BMT) Ümumdünya Şəhərsalma Forumunun 13-cü sessiyası (WUF13) çərçivəsində Ekologiya və Təbii Sərvətlər Nazirliyi (ETSN) tərəfindən "Plastik çirklənmə ilə mübarizə: yaşana bilən şəhərlərin və dairəvi iqtisadiyyatın təşviqi" mövzusunda tədbir təşkil edilib.
Bu barədə TodayPress TV-yə ETSN-dən məlumat verilib.
Tədbirdə ekologiya və təbii sərvətlər nazirinin müavini Vüqar Kərimov, Yeni Plastik Müqaviləsi üzrə Hökumətlərarası Danışıqlar Komitəsinin sədri Xulio Kordano (videomüraciət), Nizami Gəncəvi Beynəlxalq Mərkəzinin həmsədri İsmail Serageldin, Milli Məclisin deputatı, COP29 üzrə BMT-nin İqlim Dəyişikliyi üzrə Yüksək Səviyyəli Çempionu Nigar Arpadarai, BMT-nin Məskunlaşma Proqramının (UN-Habitat) Şəhər Əsas Xidmətləri Şöbəsinin rəhbəri Andre Dzikus çıxış edib.
Panel müzakirələrində Türkiyənin ətraf mühit, şəhərsalma və iqlim dəyişikliyi nazirliyi, BMT-nin Ətraf Mühit Prorqamı (UNEP), BMT-nin Sənaye İnkişaf Təşkilatı (UNIDO), İqtisadiyyat Nazirliyi və "Təmiz Şəhər" ASC-nin nümayəndələri iştirak edib.
