Macarıstanın ICC-dən çıxması təsdiqləndi
Macarıstan parlamenti ölkənin Beynəlxalq Cinayət Məhkəməsindən (ICC) çıxması ilə bağlı qanun layihəsini təsdiqləyib.
TodayPress TV xəbər verir ki, bu barədə “Reuters” yazıb.
Macarıstan parlamentinin 134 üzvü ICC-dən çıxmaq haqqında qanun layihəsinin lehinə, 37 deputat isə əleyhinə səs verib.
“Macarıstan beynəlxalq təşkilatların, xüsusən də cinayət məhkəmələrinin siyasi təsir alətləri kimi istifadəsini qəti şəkildə rədd edir” deyə ölkənin Baş nazirinin müavini Zsolt Semjenin təqdim etdiyi qanun layihəsində deyilir.
