Bakı və Vaşinqton arasında mühüm görüş: Səməd Seyidov Emi Karlonla müzakirələr apardı
ABŞ-nin Azərbaycandakı müvəqqəti işlər vəkili Emi Karlon və həmkarları ilə Azərbaycan-ABŞ münasibətlərinin gələcəyi, strateji əməkdaşlıq, regional proseslər, parlament diplomatiyası, eləcə də iqtisadi və humanitar tərəfdaşlıqlar barədə məhsuldar görüş keçirilib.
TodayPress TV xəbər verir ki, bu barədə Milli Məclisin Beynəlxalq münasibətlər və parlamentlərarası əlaqələr komitəsinin sədri, deputat Səməd Seyidov "X" sosial şəbəkə hesabında yazıb.
"Biz qarşılıqlı hörmət, ortaq maraqlar və konstruktiv dialoq vasitəsilə ikitərəfli əlaqələrin gücləndirilməsinin əhəmiyyətini vurğuladıq", - deyə paylaşımda bildirilib.
