İrana qarşı aparılan müharibənin yaratdığı qlobal enerji böhranı Tayvanın strateji zəifliklərini açıq şəkildə üzə çıxarıb.

TodayPress TV xəbər verir ki, bu barədə “The Japan Times” məlumat yayıb.

Mənbənin bildirdiyinə görə, mümkün blokada və ya böhran vəziyyətində Tayvanın enerji ehtiyatları çox məhduddur: Təbii qaz,  təxminən 10–11 gün, Kömür 40 gün, Neft isə  ən çox 90 gün.

Bu göstəricilər adanın enerji təhlükəsizliyinin nə qədər zəif olduğunu və xarici təchizatdan güclü asılılığını göstərir.

Qeyd edək ki, bu məsələ yalnız hərbi təhlükə ilə bağlı deyil. Son günlər Çin və Tayvan rəhbərliyi arasında keçirilən görüşlər fonunda Pekinin mövqeyi daha güclü görünür. Analitiklərin fikrincə, Çin Tayvan məsələsində hərbi gücdən çox aşağıdakı vasitələrdən istifadə edə bilər: strateji təzyiq, iqtisadi təsir və cazibə və siyasi dialoq.

Çinin bu üstünlüyü bir neçə amillə bağlıdır: Tayvan iqtisadiyyatının Çindən asılılığı, logistika və enerji zəiflikləri, həmçinin siyasi dialoq kanallarının açıq qalması.

Bu yanaşma Pekinə hərbi müdaxilə etmədən beynəlxalq imicini qorumaq, riskləri azaltmaq və məsələnin dinc yolla həllini irəli sürmək imkanı verir.

Mütəxəssislər hesab edirlər ki, bu model Çinin Tayvan siyasətində əsas istiqamətə çevrilir: həm təzyiq göstərmək, həm də uzunmüddətli perspektivdə inteqrasiyanı daha cəlbedici etmək.

Hazırda vəziyyət dəyişkən olaraq qalır. Pekin rəsmiləri isə Tayvanla bağlı “sülh və birləşmə” siyasətini davam etdirəcəklərini bildirirlər.

Jalə Rövşən 

TodayPress TV