Təcrübəli bombardir Fransa yolunda - Qərar İmmobiledən

“Paris” futbol klubu “Bolonya”nın hücumçusu Çiro İmmobile ilə müqavilə imzalamaq üçün fəal danışıqlar aparır. 

TodayPress TV xəbər verir ki, bu barədə tanınmış insayder Fabritsio Romano məlumat yayıb.

Bildirilir ki, klublar artıq razılığa gəliblər. Hazırda yalnız futbolçunun yekun qərarı gözlənilir. Razılıq əldə olunduqdan sonra İmmobile tibbi müayinədən keçməlidir.

Qeyd edək ki, 35 yaşlı italiyalı hücumçu cari mövsümdə “Bolonya”nın heyətində bütün turnirlərdə cəmi 9 oyuna çıxıb. O, bu görüşlərdə məhsuldar hərəkətlə yadda qalmayıb.

İmmobilenin “qırmızı-göylər”lə mövcud müqaviləsi 2026-cı ilin yayına qədər qüvvədədir. Transfermarkt portalında futbolçunun bazar dəyəri 2 milyon avro qiymətləndirilir.

Namiq HUN

TodayPress TV