NBA çempionu həbs olundu
ABŞ Milli Basketbol Assosiasiyasının (NBA) çempionu Pol Pirs Kaliforniyada sərxoş vəziyyətdə avtomobil idarə etməkdə şübhəli bilinərək həbs olunub.
TodayPress TV ESPN-ə istinadən xəbər verir ki, o, magistral yolun ortasında dayanan avtomobilin sükanı arxasında yatarkən aşkar edilib.
Polislərin araşdırmasından sonra sabiq basketbolçunun spirtli içkinin təsiri altında olduğu bildirilib.
Qeyd edək ki, 47 yaşlı Pol Pirs 15 il (1998-2013) şərəfini qoruduğu “Boston” komandası ilə 2008-ci ildə NBA çempionu adını qazanıb. O, karyerası ərzində həmçinin “Bruklin”, “Vaşinqton” və “Los Anceles Klippers” klublarında da çıxış edib. 10 dəfə NBA-nın Ulduzlar matçında iştirak edən Pirs 2017-ci ildə karyerasını bitirib.
Namiq HUN
