NBA arzusu üçün millinin oyunlarını buraxdı: Li Hyon Conq şansını sınayır

Cənubi Koreya millisinin hücumçusu Li Hyon Conq NBA-də çıxış etmək şansını artırmaq üçün Yaponiya ilə keçirilən yoxlama oyunlarında iştirak etməyib.

TodayPress TV xəbər verir ki, bu barədə “Heavy” portal məlumat yayıb. 

Bildirilir ki, basketbolçu “Nyu-Orlean Pelikans” və “Boston Seltiks” komandalarının mini-məşq düşərgələrində iştirak etmək qərarına gəlib.

Mənbənin məlumatına əsasən, Li avqustun 8-dən 13-dək “Nyu-Orlean Pelikans”ın düşərgəsində olub. Daha sonra, avqustun 16-dan 20-dək “Boston Seltiks”in düşərgəsinə qatılıb.

Hər iki klubda ikitərəfli müqavilə üçün bir vakant yerin olduğu bildirilir. Belə müqavilə basketbolçuya həm NBA-in əsas komandasında, həm də klubun G Liqasındakı filialında çıxış etmək imkanı verir.

Qeyd edək ki, Li Hyon Conq NBA klublarındakı məşq düşərgələri başa çatdıqdan sonra Cənubi Koreya millisinin düşərgəsinə qoşulmağı planlaşdırır.

Namiq HUN