Misli Premyer Liqasında IX turun oyunları tamamlanır

Bu gün Misli Premyer Liqasında IX tura yekun vurulacaq.

TodayPress TV xəbər verir ki, turun son oyun günündə iki qarşılaşma keçiriləcək.

Saat 16:00-da Qəbələ şəhər stadionunda "Qəbələ" öz meydanında "Neftçi" ilə üz-üzə gələcək. Hazırda 5 xalla 10-cu pillədə qərarlaşan "Qəbələ", 9 xala malik və turnir cədvəlində 9-cu yerdə olan "Neftçi"ni qəbul edəcək.

Turun ikinci matçı saat 18:30-da "Azərsun Arena"da baş tutacaq. Burada "Qarabağ" evdə "Şamaxı" ilə qarşılaşacaq. Turnir cədvəlində 16 xalla 2-ci yerdə olan "Qarabağ", 8-ci pillədə qərarlaşan və 9 xalı olan "Şamaxı"nı qəbul edəcək.

Daha əvvəl turun digər oyunlarında aşağıdakı nəticələr qeydə alınıb:

• Turan Tovuz – Karvan-Yevlax 2:1

• İmişli – Kəpəz 3:0

• Zirə – Sumqayıt 1:0

• Araz-Naxçıvan – Sabah 2:2

Oyunların hakimləri və digər rəsmi şəxsləri AFFA tərəfindən təyin olunub.

TodayPress TV