Milyonların yarışı: Entso Fernandes tarixə adını yazdırdı!
Argentina milli komandasının mərkəz yarımmüdafiyəçisi Entso Fernandesin “Çelsi”dən “Mançester Siti”yə keçidi hazırda futbol tarixinin ən baha 5 transferi sırasına daxildir.
TodayPress TV “Transfermarkt” statistik portalına istinadən xəbər verir ki, Fernandesin 145 milyon avroluq keçidi futbol tarixinin dördüncü ən baha sövdələşməsi olub.
Ötən yay “Liverpul” da “Nyukasl Yunayted”dən hücumçu Aleksander İsakın transferi üçün eyni məbləği ödəyib. Rekord isə hələ də doqquz il əvvəl Neymarın 222 milyon avro qarşılığında “Barselona”dan PSJ-yə keçməsinə məxsusdur.
“Transfermarkt”ın versiyasına görə futbol tarixinin ən baha 10 transferi:
1. Neymar (Braziliya) — “Barselona”dan PSJ-yə (222 mln €)
2. Kilian Mbappe (Fransa) — “Monako”dan PSJ-yə (180 mln €)
3. Osman Dembele (Fransa) — Dortmund “Borussiya” (148 mln €)
4. Aleksander İsak (İsveç) — “Nyukasl Yunayted”dən “Liverpul”a (145 mln €)
5. Entso Fernandes (Argentina) — “Çelsi”dən “Mançester Siti”yə (145 mln €)
6. Morqan Rocers (İngiltərə) — “Aston Villa”dan “Çelsi”yə (138 mln €)
7. Elliot Anderson (İngiltərə) — “Nottingem Forest”dən “Mançester Siti”yə (135 mln €)
8. Filippe Koutinyo (Braziliya) — “Liverpul”dan “Barselona”ya (135 mln €)
9. Joao Feliks (Portuqaliya) — “Benfika”dan “Atletiko”ya (127,2 mln €)
10. Cud Bellingem (İngiltərə) — Dortmund “Borussiya”sından “Real Madrid”ə (127 mln €)
Namiq HUN
FOTOLAR
