“Levski”i hücumçusunu itirdi
Bolqarıstanın “Levski” klubu UEFA Konfrans Liqasının III təsnifat mərhələsində Bakıda “Sabah”a qarşı keçiriləcək cavab oyununa itki ilə çıxacaq.
TodayPress TV xəbər verir ki, malili hücumçu Mustafa Sanqare Masazır qarşılaşmasında komandasına kömək edə bilməyəcək.
26 yaşlı forvard əzələ problemindən əziyyət çəkir.
Xatırladaq ki, Sofiyada keçirilən ilk matçda “Levski” 1:0 hesabı ilə qalib gəlib. Bu komandalar arasında cavab qarşılaşması bu gün saat 20:00-da “Bank Respublika Arena”da təşkil olunacaq.
Namiq HUN
