Klublararası DÇ: “Bavariya” pley-offa yüksəldi

“Bavariya” klubu klublararası dünya çempionatının qrup mərhələsinin başa çatmasına bir tur qalmış 1/8 finala vəsiqəni təmin edib. 

TodayPress TV xəbər verir ki, Münhen təmsilçisi missiyanı II turda Argentina nəhəngi “Boka Xuniors” üzərində 2:1 hesablı qələbədən sonra rəsmiləşdirib.

Qarşılaşmada “Bavariya”nın qollarını Harri Keyn (18-ci dəqiqə) və Maykl Olise (84-cü dəqiqə) vurublar. “Boka Xuniors”un yeganə qoluna isə 66-cı dəqiqədə Merentyel imza atıb.

Nəticədə Almaniya çempionu xallarını 6-ya çatdıraraq C qrupunda  liderliyini qoruyub və növbəti mərhələyə vəsiqəni təmin edib. 

Namiq HUN