Kipr futbolunda faciə: “Karmiotissa” rəhbəri öldürüldü
Kipr futbol klubu “Karmiotissa”nın prezidenti Stavros Dimostenus güllələnərək öldürülüb.
TodayPress TV xəbər verir ki, bu barədə Knews onlayn portalı məlumat yayıb.
Bildirilir ki, motosikletlə hərəkət edən cinayətkar Dimostenusun avtomobilinə atəş açıb. Hadisə yerinə gücləndirilmiş polis qüvvələri cəlb olunub və məhkəmə-tibbi ekspertiza aparılması üçün magistral yolun böyük hissəsi bağlanıb.
Hüquq-mühafizə orqanları hadisənin qəsdən törədildiyini təsdiqləyib və cinayətkarın axtarışına başlayıblar.
Qeyd edək ki, “Karmiotissa” ötən mövsümü Kipr yüksək liqasının turnir cədvəlində 10-cu pillədə başa vurub. Klubun əvvəlki prezidenti rusiyalı iş adamı Dmitri Punin olub.
Namiq HUN
