III MDB Oyunları: Azərbaycan cüdo üzrə qarışıq komanda yarışlarında qızıl medal qazandı
III MDB Oyunları çərçivəsində cüdo üzrə qarışıq komanda yarışlarına yekun vurulub.
TodayPress TV xəbər verir ki, Göygöl Olimpiya İdman Kompleksində keçirilən final qarşılaşmada Azərbaycan yığması Özbəkistan komandası üzərində 7:4 hesabı ilə qələbə qazanaraq birinci yeri tutub. Yarımfinalda isə Azərbaycan komandası Tacikistanı 7:3 hesabı ilə məğlub etmişdi.
Xatırladaq ki, III MDB Oyunlarında 13 ölkədən 1624 idmançı iştirak edib. Oyunlar oktyabrın 8-də yekunlaşacaq.
