“Ferrari” Həmiltonla vidalaşır?

Oliver Berman gələcəkdə “Ferrari”də Luis Həmiltonun yerini tuta bilər. 

TodayPress TV xəbər verir ki, bu barədə “Formula-1” üzrə ekspert Aleks Ceyks məlumat yayıb. 

O, bildirib ki, “Haas” komandasının 20 yaşlı pilotu Oliver Berman gələcəkdə “Ferrari”də Luis Həmiltonun əvəzləyicisi ola bilər.

“Düşünürəm ki, Berman çox əlverişli mövqedədir. Onun bu komanda ilə uzunmüddətli əməkdaşlığı böyük əhəmiyyət daşıyır. “Ferrari”nin ona “Formula-1”də debüt imkanı verməsi, gənc pilotun nə qədər yüksək qiymətləndirildiyini göstərir. O, iştirak etdiyi bütün yarışlarda stabil sürətli olub və artıq “Haas”la özünü kifayət qədər sübut edib. Məncə, qərar ilin sonunda veriləcək. “Ferrari” irəliləyiş istəyir və Berman onların gələcək üçün nəzərdən keçirdiyi pilotdur”, Aleks Ceyks deyib.

Namiq HUN