Azarkeşlərin hərəkəti klublara baha başa gəldi!

AFFA İntizam Komitəsi Azərbaycan Premyer Liqasının XXIX turunda baş verən intizam pozuntularına görə “Neftçi” klubunu 13 min manat məbləğində cərimələyib.

TodayPress TV xəbər verir ki, “Neftçi” – “Qarabağ” oyununda Bakı təmsilçisinin azarkeşləri tərəfindən meydana kənar əşyalar atıldığı üçün klub 5000 manat cərimə olunub. Bu hal cari mövsümdə artıq 6-cı dəfə təkrarlanıb.

Bundan başqa, “Neftçi” azarkeşlərinin matç ərzində kütləvi şəkildə təhqiramiz ifadələr səsləndirməsinə görə klub əlavə 8000 manat cərimə edilib. Bu qayda pozuntusu isə cari mövsümdə 8-ci dəfə qeydə alınıb.

Görüşdə “Qarabağ” azarkeşləri tərəfindən pirotexniki vasitədən istifadə olunmasına görə Ağdam təmsilçisi də 7000 manat məbləğində cərimələnib. Bu hal mövsüm ərzində 4-cü dəfə baş verib.

Namiq HUN

TodayPress TV