Paytaxtda qətldə şübhəli bilinən şəxs tutuldu

Bakıda  qətl və qətl cəhdində şübhəli bilinən şəxs saxlanılıb. 

TodayPress TV xəbər verir ki, bu barədə  Xəzər rayon prokurorluğu məlumat verib. 

Prokurorluğun məlumatına görə, aparılan araşdırmalar zamanı müəyyən edilib ki, Cavanşir Muradov qonşusu Ruslan Əliyevə silahdan atəş açaraq onu öldürməyə cəhd edib. Daha sonra isə həmin silahla Vaqif Əmirova atəş açaraq onu qəsdən öldürüb.

Faktla bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) və 29, 120.2.7-ci (qəsdən iki və ya daha çox şəxsi öldürməyə cəhd etmə) maddələri ilə cinayət işi başlanıb, ibtidai istintaq aparılır.

Cinayəti törətməkdə şübhəli bilinən Cavanşir Muradov rayon prokurorluğu tərəfindən saxlanılıb.

TodayPress TV