Moskva vilayətində raket xəbərdarlığı elan edildi
Moskva vilayətində raket təhlükəsi elan olunub.
TodayPress TV xəbər verir ki, sakinlərə dərhal qapalı məkanlara keçmələri və ya yaxınlıqdakı dayanacaqlarda sığınacaq tapmaları tövsiyə edilib.
"Moskva vilayətində raket təhlükəsi elan edilib. Evdə qalın, pəncərələrdən uzaq durun və ya sığınacaq axtarın. Çöldə və ya nəqliyyat vasitəsindəsinizsə, yeraltı keçiddə və ya dayanacaqda sığının. Mobil internet xidməti kəsilə bilər. PUA-ların və hava hücumundan müdafiə sistemlərinin fəaliyyətini çəkmək qadağandır. Ayıq və ehtiyatlı olun", – deyə Fövqəladə Halların Xəbərdarlığı üzrə Vahid Dövlət Sisteminin əhaliyə göndərdiyi bildirişdə qeyd olunub.
Rusiyanın Federal Hava Nəqliyyatı Agentliyi (Rosaviasiya) Moskvanın Vnukovo, Domodedovo, Jukovski və Şeremetyevo hava limanlarında təyyarələrin uçuşuna müvəqqəti məhdudiyyətlər tətbiq olunduğunu açıqlayıb.
