Günəşdə partlayış baş verdi

İyulun 9-da Günəşdə M sinifli yeni alov baş verib. 

TodayPress TV xəbər verir ki, bu barədə Tətbiqi Geofizika İnstitutu məlumat yayıb.

Alov Bakı vaxtı ilə saat 08:25-də başlayıb və 28 dəqiqə davam edib. Hadisə M1.3 gücündə (N20E78 koordinatlarında) qeydə alınıb.

Bu, iyul ayı ərzində müşahidə olunan ikinci M sinifli alovdur. Birinci belə alov iyulun 8-də baş verib.

Bildirilib ki, hər iki alovun Yerə heç bir təsiri olmayacaq.

Qeyd edək ki, Günəş alovları gücünə görə A, B, C, M və X siniflərinə bölünür. Hər bir sinif bir əvvəlkindən 10 dəfə güclüdür. M sinifli alovlar orta güclü hesab olunur.

Türkan İsgəndərli