ABŞ Qəzzada atəşkəs rejiminə nəzarəti gücləndirmək niyyətindədir
"ABŞ hakimiyyəti Qəzza zolağında atəşkəs rejiminə əməl olunmasına və sülh planının birinci mərhələsinin əsas müddəalarının icrasına nəzarəti əhəmiyyətli dərəcədə gücləndirmək niyyətindədir".
TodayPress TV xəbər verir ki, bu barədə "Axios" portalı Ağ Evin yüksək vəzifəli məmurlarına istinadla məlumat yayıb.
"Növbəti 30 gün həlledici olacaq. Artıq Qəzzada baş verənlərə və razılaşmanın icrasına görə biz cavabdehik. Qərarları biz qəbul edəcəyik", - deyə Ağ Ev məmurlarından biri bildirib.
Ağ Ev hesab edir ki, hazırda atəşkəs rejiminə dair vəziyyət son dərəcə qeyri-sabitdir, tərəflər barışığa ciddi şəkildə əməl etmədikcə, sülhü qoruyub saxlamaq olduqca çətin olacaq.
Aysel Mətləb
