Baş katibi: “COP29 bizə problemləri göstərdi”

“Keçən il Bakıda uğurla keçirilən COP29 tədbiri bizə enerji keçidinin qarşısında duran problemlərin nə qədər təcili və mürəkkəb olduğunu daha dərindən dərk etməyə imkan verdi”. 

TodayPress TV xəbər verir ki, bunu Bakı Enerji Həftəsi çərçivəsində keçirilən forumda  Beynəlxalq Enerji Forumunun (IEF) Baş katibi Cassim İsa Əl Şiravi deyib.  

Onun sözlərinə görə, enerji təhlükəsizliyi, əlçatanlıq və sabitlik üçün yeni enerji sisteminin qurulması artıq zərurətə çevrilib.

“(IEF) kimi təşkilatlar bu dəyişkən və qeyri-sabit enerji mühitində enerji sənayesinə istiqamət verməkdə mühüm rola malikdir. IEF geniş üzvlük bazası olan hökumətlərarası bir təşkilatdır və həm enerji istehsalçılarını, həm də istehlakçılarını təmsil edir. Təşkilat, enerji təhlükəsizliyi, enerji bazarları, məlumatların şəffaflığı və ədalətli qlobal enerji keçidi kimi sahələrdə maraqlı tərəflər arasında inklüziv dialoq üçün neytral və müstəqil platforma təqdim edir. 

Bu ilin fevralında biz hər il Beynəlxalq Enerji Agentliyi (IEA) və OPEC ilə birgə təşkil etdiyimiz “Supposed Energy Outlooks” tədbirini başa çatdırdıq. Bu, üçtərəfli proqram çərçivəsində həyata keçirdiyimiz bir sıra tədbirlərdən biridir. Həmçinin ABŞ İxracatçı Ölkələr Forumu və Beynəlxalq Bərpa Olunan Enerji Agentliyi (IRENA) də bu əməkdaşlığa cəlb olunmuş təşkilatlar sırasındadır.

Simpoziumda IEA və OPEC öz enerji üzrə proqnozlarını təqdim etdilər. Xüsusilə istinad və inkişaf etməkdə olan siyasətlər üzrə təqdim olunan proqnozlar gələcəkdə enerjiyə tələbatın çox yüksək olacağını göstərdi. Biz bu əməkdaşlığı davam etdirməli və birgə çalışmalıyıq”. 

Töhfə Səməd