Günəşdə partlayış aktivliyi artır
Noyabrın 3-də Günəşdə partlayış aktivliyi artmağa davam edəcək.
TodayPress TV xəbər verir ki, bu barədə Günəş Astronomiya Laboratoriyası məlumat yayıb.
Proqnozda qeyd olunur ki, yaxın 24 saat ərzində epizodik geomaqnit pozğunluqları mümkündür və məşəl (alov) aktivliyinin artması gözlənilir. Son sutkada geomaqnit vəziyyət sabit qalsa da, məşəl aktivliyi orta səviyyədə olub.
Xatırladaq ki, noyabrın 2-də, iki həftəlik fasilədən sonra Günəşdə M1.0 sinifli alov qeydə alınıb. Alimlərin sözlərinə görə, Günəşin Yerə doğru çevrilən hissəsində enerjili aktiv bölgə müşahidə olunur və bu da güclü partlayışların davam edə biləcəyini göstərir.
Türkan İsgəndərli
