ABŞ-də miqrantlar ölkəni tərk edir

ABŞ Prezidenti Donald Trampın yanvar ayında vəzifəyə başlamasından sonra bir milyondan çox miqrant ölkəni öz istəyilə tərk edib.

TodayPress TV xəbər verir ki, bu barədə ölkənin Daxili Təhlükəsizlik Naziri Kristi Noem məlumat verib.

Noemin sözlərinə görə, yanvardan bəri yüz minlərlə “cinayətkar və sənədsiz miqrant” saxlanılıb. Nazir həmçinin bildirib ki, son üç ay ərzində ölkəyə heç bir sənədsiz miqrant daxil olmayıb.

Kristi Noem əlavə edib ki, minlərlə miqrant ABŞ Daxili Təhlükəsizlik Nazirliyinin yaratdığı xüsusi mobil tətbiq vasitəsilə könüllü olaraq deportasiya olunmağı seçib.

Qeyd edək ki, Donald Tramp seçki kampaniyası zamanı milyonlarla sənədsiz miqrantın ölkədən çıxarılacağını vəd etmişdi.

Töhfə Səməd