“Telegram” bir gündə 235 min kanal və qrupu sildi

“Telegram” messenceri fevralın 15-də 235 282 qrup və kanalı silib ki, bu da 23 yanvardan bəri ən yüksək göstəricidir.

TodayPress TV xəbər verir ki, bu barədə platformanın statistikasına istinadən "RİA" məlumat yayıb.

Məlumata görə, fevral ayının əvvəlindən etibarən “Telegram” 1 856 069 qrup və kanalı bloklayıb. İlin əvvəlindən isə silinən icmaların ümumi sayı 7 256 305-ə çatıb. Onlardan 27 282-si terrorla əlaqəli olub.

Şirkət bildirib ki, 2015-ci ildən etibarən moderasiya istifadəçi şikayətləri və maşın öyrənməsi əsasında aparılan proaktiv monitorinq üzərində qurulub. 2024-cü ilin əvvəlindən bu mexanizmlər süni intellekt əsaslı alətlərlə gücləndirilib.

Qiymət Mahir