Messi azarkeşlərini narahat edən zədə açıqlaması
Lionel Skaloni Lionel Messinin zədədən sonrakı vəziyyəti barədə danışıb.
TodayPress TV xəbər verir ki, bu barədə ESPN məlumat yayıb.
Argentina yığma komandasının baş məşqçisi ilkin nəticələrin o qədər də pis olmadığını bildirib:
“İlk nəticələr elə də pis deyil. İndi onun bərpa prosesini izləməliyik və əlavə müayinələrin nəticələrini gözləməliyik ki, ilkin tibbi rəyin təsdiqlənib-təsdiqlənmədiyini anlayaq”.
Xatırladaq ki, mayın 24-də MLS-də keçirilən və “İnter Mayami”nin “Filadelfiya Yunion” üzərində 6:4 hesablı qələbəsi ilə başa çatan matçda Messi 73-cü dəqiqədə əvəzlənməsini istəyib.
Daha sonra argentinalı futbolçuda sol ayağın arxa bud nahiyəsində əzələ yorğunluğu aşkarlanıb. Onun meydanlara dönüş vaxtı yaxın həftələrdəki vəziyyətindən asılı olacaq.
Namiq HUN
