Meksikada peşəkar boksçunun meyiti tapıldı
Meksikada peşəkar boksçu Xesus İvan Merkado Kabreranın küçədə meyiti tapılıb.
TodayPress TV xəbər verir ki, itkin düşməsi barədə məlumat yayılan 21 yaşlı boksçunun cəsədi yol kənarındakı arxda aşkarlanıb.
Merkadonun üzərində zorakılıq izləri aşkarlanmasa da, kənar müdaxilə əlamətləri qeydə alınıb. Faktla bağlı Sonora ştatının Baş Prokurorluğu araşdırmaya başlayıb.
Xesus Merkado peşəkar boksda 2021-ci ilin sentyabrında debut edib. O, karyerası ərzində keçirdiyi 17 döyüşün 7-də qələbə qazanıb, 9 dəfə məğlub olub.
Merkado sentyabrın 27-də Sonoranın Ermosilyo şəhərində Adrian Ruizə qarşı rinqə çıxmalı idi.
Namiq HUN
