Litva Rusiya kəşfiyyatı ilə əlaqəli cinayətkar qrupu dağıtdı
Litva kəşfiyyat orqanları Rusiya hərbi kəşfiyyatı ilə əlaqəsi olduğu güman edilən təşkilatlanmış cinayətkar qrupu dağıtdıqlarını açıqlayıb.
TodayPress TV xəbər verir ki, qrup Avropada terror aktları planlamaqda ittiham olunur.
Məhkəmə orqanları iddia edir ki, şübhəlilər kuryerlər vasitəsilə çatdırılması üçün partlayıcı paketlər hazırlayıblar.
İddiaya görə, bunlardan ikisi yük avtomobili ilə Polşaya, digəri isə hava yolu ilə Böyük Britaniyaya göndəriləcəkmiş.
Partlayıcı paketlərdən biri Almaniyanın bir hava limanında təyyarəyə yüklənməzdən əvvəl partlayıb.
Qeyd edilir ki, ittiham olunanlar arasında Rusiya, Litva, Latviya, Estoniya və Ukrayna vətəndaşları var.
Aysel Mətləb
