UEFA “Napoli”yə xəbərdarlıq etdi
Avropa Futbol Assosiasiyaları İttifaqı (UEFA) İtaliyanın “Napoli” klubuna xəbərdarlıq edib.
TodayPress TV xəbər verir ki, buna səbəb “Napoli”nin Niderlandda PSV-yə uduzduqları (2:6) UEFA Çempionlar Liqasının Liqa mərhələsinin oyununda yaşananlar olub.
Neapol təmsilçisinin baş məşqçisi Antonio Konte qarşılaşmada əxlaqi davranış qaydalarını pozmaqda ittiham edilib.
Qeyd edək ki, “Napoli” UEFA Çempionlar Liqasının Liqa mərhələsindəki növbəti matçını noyabrın 25-də “Qarabağ”a qarşı keçirəcək.
Namiq HUN
