Dünyanın ən quraq səhrasına qar yağdı

Çilidə yerləşən dünyanın ən quraq bölgələrindən biri olan Ataqama səhrasında qar yağıb.

TodayPress TV xarici KİV-ə istinadən xəbər verir ki, alimlər bu qeyri-adi hava hadisəsini qlobal iqlim dəyişiklikləri ilə əlaqələndirirlər.

Bildirilib ki, bu cür yağıntılar Ataqama bölgəsi üçün son dərəcə nadir haldır.

Alimlərin sözlərinə görə, qlobal iqlim dəyişikliyi dedikdə, yalnız istilərin artması yox, həm də atmosferdə hava kütlələrinin dövranı, yağıntı rejimi və okean sularının hərəkəti də nəzərdə tutulur.

Bundan başqa, Yer kürəsində yalnız bir səhrada — Antarktida səhrasında — ümumiyyətlə yağıntı müşahidə olunmur. Mütəxəssislər ehtimal edir ki, Ataqamada qeydə alınan qar kütlələri məhz oradan gəlmiş ola bilər.

Xatırladaq ki, Ataqama səhrasında qar yağıntısı iyunun 27-də müşahidə olunub. Bu, bölgədə son on il ərzində qeydə alınan ilk belə anomal hadisədir.

Töhfə Səməd