Karlos Alkaras: “Heç kim gələcəyi bilmir”
Dünyanın bir nömrəli tennisçisi, ispan Karlos Alkaras Novak Djokoviçin “Böyük Dəbilqə” turnirlərindəki 24 titulunu təkrarlamaq barədə fikirlərini bölüşüb.
TodayPress TV xəbər verir ki, hazırda onun aktivində 6 “Böyük Dəbilqə” qalibiyyəti var, serb ulduzunun isə 24.
“Tez-tez məndən soruşursunuz: tennisçi kimi məqsədim nədir? Mən də həmişə cavab verirəm ki, bu idmanın əfsanələri ilə bir masa arxasında oturmaq istərdim. Amma bu, indi düşündüyüm məsələ deyil. Çox şey qazandığımı bilirəm, amma bunu heç vaxt hazır kimi qəbul etmirəm. Heç kim bilmir, sonra nə olacaq. Djokoviçin 24 “Böyük Dəbilqə” titulu kimi bir hədəfim və ya buna bənzər düşüncəm yoxdur”, – deyə Alkaras bildirib.
Namiq HUN
