Sərxoş vəziyyətdə qəza törədən sürücü saxlanıldı

Yasamalda sərxoş vəziyyətdə qəza törədən sürücü saxlanılıb. 

TodayPress TV xəbər verir ki, iyunun 10-da saat 02 radələrində M.Əliyev küçəsində “Saipa” markalı nəqliyyat vasitəsilə təhlükəli manevrlər edən sürücü maddi zərərlə nəticələnən qəza törədib. 

1994-cü il təvəllüdlü şəxs idarə etdiyi “Saipa” avtomobili ilə yol kənarında dayanan “Hyundai” markalı nəqliyyat vasitəsinə və mopedə çırpılıb. 

Nəticədə “Saipa” markalı avtomobildə olan 1 nəfər yüngül xəsarət alıb.

Sərxoş vəziyyətdə olan sürücü saxlanılıb. 

Faktla bağlı araşdırma aparılır.