ABŞ blokada çərçivəsində 48 gəminin istiqamətini dəyişdirdi
Tətbiq olunan blokada çərçivəsində İran limanlarına daxil olmağa və ya oradan çıxmağa cəhd edən 48-ci gəminin istiqaməti ABŞ tərəfindən dəyişdirilib.
TodayPress TV xəbər verir ki, bu barədə ABŞ Mərkəzi Komandanlığı (CENTCOM) "X" sosial media platformasında məlumat yayıb.
"Son 20 gün ərzində blokada qaydalarına əməl olunmasını təmin etmək məqsədilə 48 gəminin hərəkət istiqaməti dəyişdirilib", - deyə bildirilib.
Yenilənmiş rəqəmlər əvvəlki hesabatlarda qeyd olunan 44 gəmi ilə müqayisədə dörd vahid artım olduğunu göstərir.
Xatırladaq ki, ABŞ aprelin 13-dən etibarən Hörmüz boğazında İranın dəniz nəqliyyatını hədəf alan hərbi-dəniz blokadası həyata keçirir.
Aysel Mətləb
