Yerdən daha yaşlı meteorit ABŞ-yə düşdü

ABŞ-nin Corciya Ştat Universiteti, 26 iyun tarixində ştat ərazisində bir evin damına düşən meteoritlə bağlı araşdırmasını yekunlaşdırıb.

TodayPress TV xəbər verir ki, universitetin yaydığı rəsmi açıqlamaya əsasən, aparılan tədqiqat nəticəsində meteoritin təxminən 4,56 milyard il əvvəl formalaşdığı müəyyən olunub.

Bu, onun Yer planetindən təxminən 20 milyon il daha yaşlı olduğunu göstərir.

“Atmosferə daxil olan bu meteorit evə düşməzdən əvvəl çox uzun və zəngin bir tarixə malik olub”, - deyə Corciya Universitetinin tədqiqatçısı Skott Harris bildirib.

Hazırda meteoritin haradan gəldiyi və hansı trayektoriya üzrə hərəkət etdiyi ilə bağlı araşdırmalar davam etdirilir.

Töhfə Səməd