Türkiyə beynəlxalq axtarışda olan cinayətkarları həbs etdi

Qırmızı bülletenlə beynəlxalq axtarışda olan 5 nəfər Türkiyəyə ekstradisiya edilib.

TodayPress TV xəbər verir ki, bu barədə Daxili İşlər Naziri Ali Yerlikaya bildirib.

Onun sözlərinə görə, bu şəxslər ciddi cinayətlərə görə axtarılırdı və artıq ədalət qarşısına çıxarılıb.

Onlar uşaqlara qarşı cinsi zorakılıq, qəsdən adam öldürmə və cəhd, sənədsiz odlu silah, güllə saxlanılması kimi maddələrlə ittiham olunurlar.

Nazir ekstradisiyaların Ədliyyə Nazirliyi və Təhlükəsizlik Baş İdarəsinin İnterpol–Avropol Departamentinin koordinasiyası ilə həyata keçirildiyini vurğulayıb.

Yerlikaya əməliyyatda iştirak edən Artvin və Ərdahan əyalət polis idarələrinə və əməkdaşlara təşəkkür edib.

Türkan İsgəndərli