Polşa Belarusla iki sərhəd keçidini açmağa hazırlaşır
Polşa hökuməti Belarusla əlavə sərhəd keçid məntəqələrinin açılmasını planlaşdırır.
TodayPress TV xəbər verir ki, "Reuters" in məlumatına görə, keçidlər noyabrın ortalarında fəaliyyətə başlaya bilər.
Baş nazir Donald Tusk bildirib ki, ilk mərhələdə Bobrovniki və Kuznitsa keçidləri açılacaq. Kuznitsa məntəqəsi il sonuna qədər yalnız 3,5 tona qədər olan minik avtomobilləri üçün fəaliyyət göstərəcək.
Tusk əlavə edib ki, Polovtsı keçidi hələlik bağlı qalacaq, çünki həmin ərazidə sərhəd təhlükəsizliyini təmin edən hərbi düşərgə yerləşir.
Qeyd edək ki, Litva ötən həftə Belarusla qalan son iki sərhəd məntəqəsini bağladığını açıqlamışdı.
Jalə Rövşən
