Sabahın hava proqnozu açıqlandı
Noyabrın 19-na olan hava proqnozu açıqlanıb.
TodayPress TV xəbər verir ki, Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, arabir tutulsa da, əsasən yağmursuz keçəcək. Mülayim cənub-qərb küləyi əsəcək. Gecə 10–14, gündüz 17–22 dərəcə isti gözlənilir. Atmosfer təzyiqi 768 mm civə sütunu, nisbi rütubət isə gecə 80–85, gündüz 70–75 faiz təşkil edəcək.
Rayonlarda da hava əsasən yağmursuz olacaq. Bəzi ərazilərdə duman müşahidə ediləcək. Şərq küləyi üstünlük təşkil edəcək. Havanın temperaturu gecə 7–11, gündüz 17–21, dağlıq rayonlarda isə gecə 0–4, gündüz 7–12 dərəcə isti proqnozlaşdırılır.
