Rossbax: Tarixi irsin qorunması qlobal məqsədlər üçün vacibdir
“Mədəniyyətin və tarixi irsin qorunması qlobal inkişaf gündəliyinin əsas istiqamətlərindən biri hesab olunmalıdır”.
TodayPress TV xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax WUF13 çərçivəsində keçirilən “Mədəni irsə yeni baxış və inklüziv şəhər yenilənməsi” adlı xüsusi sessiyada deyib.
O bildirib ki, BMT qurumları bu sahədə vahid komanda kimi fəaliyyət göstərməlidir:
“BMT timsalında biz bir ailə kimi işləməliyik. “UN-Habitat” UNESCO və BMT-nin Turizm təşkilatı ilə sıx əməkdaşlıq edir. Biz mədəniyyətə və irsə inkişafın mərkəzi nöqtəsi kimi baxırıq. Əgər biz mədəniyyəti və bu irsi qoruyan şəhərləri qorumasaq, qlobal gündəliklərə və dayanıqlı inkişaf məqsədlərinə çata bilmərik”.
Onun sözlərinə görə, beynəlxalq əməkdaşlığın davam etdirilməsi böyük əhəmiyyət daşıyır və gələcəkdə də bu istiqamətdə tərəfdaş qurumlarla sıx işləməyə hazırdır.
Qiymət Mahir
