Ceyhun Bayramov: “Rusiya ilə dialoq saxlanılır”
“Müttəfiqlik əlaqələrinə malik olduğumuz Türkiyə ilə intensiv təmaslar davam edir. 2025-ci il ərzində Azərbaycan Respublikasının Prezidenti tərəfindən Türkiyə Respublikasına üç səfər, Türkiyə Respublikasının Prezidenti tərəfindən isə Azərbaycana dörd səfər həyata keçirilib”.
TodayPress TV xəbər verir ki, bunu Azərbaycan Respublikasının xarici işlər naziri Ceyhun Bayramov ilin yekunlarına dair mətbuat konfransında deyib.
Nazir bildirib ki, son bir il ərzində regionda baş verən bəzi proseslər, o cümlədən müəyyən məsələlərdən sonra Rusiya ilə münasibətlərdə ümumi gərginlik müşahidə edilsə də, buna baxmayaraq ölkələr arasında dialoq və qarşılıqlı təmaslar davam etdirilib.
Ceyhun Bayramov qeyd edib ki, 9 oktyabr tarixində Duşənbədə MDB Dövlət Başçıları Şurasının iclası çərçivəsində iki ölkə Prezidenti arasında keçirilmiş görüş mühüm əhəmiyyət daşıyıb. Onun sözlərinə görə, Rusiya tərəfindən verilən açıqlamalar, mövcud vəziyyətlə bağlı etiraflar və məsuliyyətin qəbul edilməsi istiqamətində səslənən fikirlər münasibətlərin normallaşdırılması baxımından vacib addım olub.
Qiymət Mahir
