UEFA araşdırmaya başladı
UEFA “Atletiko” klubunun baş məşqçisi Dieqo Simeone ilə bağlı rəsmi araşdırmaya başlayıb.
TodayPress TV “The Athletic”-ə istinadən xəbər verir ki, buna səbəb Çempionlar Liqasının Liqa mərhələsində “Liverpul”a (2:3) qarşı keçirilən matçın son dəqiqələrində baş verən hadisədir.
Bildirilir ki, D.Simeone tribunada yer alan “Liverpul” azarkeşi ilə mübahisə edərək, həmin şəxsə hücum çəkib. Hadisə zamanı “Atletiko”nun məşqçilər heyətindən biri azarkeşə tüpürüb.
Matçın baş hakimi Simeoneyə qırmızı vərəqə göstərib. Argentinalı mütəxəssisin ciddi cəzalandırılacağı gözlənilir.
Namiq HUN
