Nüvə sazişində ŞOK DETAL: İran uranı "arxa qapıdan" Rusiyaya ötürür?

ABŞ və İran arasında davam edən nüvə danışıqlarında diqqətçəkən yeni detal ortaya çıxıb. İran Rusiyaya uran ötürə bilər. Gizli mexanizm müzakirədədir. 

Maraqlıdır, İranın uranı Rusiyaya ötürməsi həqiqətən nüvə riskini azaldırmı, yoxsa yeni risk yaradır? ABŞ buna razı olacaq? 

Mözunu siyasi analitik Asif Nərimanlı TodayPress TV-yə şərh edib. 

O, qeyd edib ki, Amerika və İran arasında nüvə danışıqları zamanı əsas məsələlərdən biri də İranın zənginləşdirilmiş uranının taleyidir:  

"İran nüvə proqramından imtina edərsə, bu uran necə mühafizə olunacaq? Amerika tərəfi istəyir ki, zənginləşdirilmiş uran İranda qalmasın, çünki İranın gizli şəkildə nüvə fəaliyyətinə davam etməsi riski var. Bu səbəbdən uranın hansı ölkəyə veriləcəyi müzakirə olunur. İran isə, əgər Amerika tələbi ilə uranı verəcəksə, bu vəziyyəti təslim olmaq kimi qəbul edir və buna razı deyil".

Ekspert bildirib ki, İranın alternativi isə, zənginləşdirilmiş uranı Rusiyaya verməkdir. Bu, İranın gələcəkdə həmin uranı geri almaq və ya nüvə proqramını yenidən bərpa etmək niyyətində olduğunu göstərir. İran, nüvə proqramından tamamilə imtina etmək əvəzinə, prosesi təxirə salaraq gələcəkdə davam etdirməyi planlaşdırır.

Analitik vurğulayıb ki, Rusiya da bu prosesdə maraqlıdır: 

"Birincisi, Rusiya, zənginləşdirilmiş uranı qəbul edərək danışıqlarda iştirakını təmin edir. İkincisi, bu, İranın nüvə proqramının gələcəkdə Rusiyanın təsir dairəsinə düşməsi deməkdir. Üçüncüsü, Rusiya, Amerikanın İrana müdaxiləsini istəmir və bu məsələnin həllini təklif edərək prosesin qarşısını alır".

A.Nərimanlı yekun olaraq əlavə edib ki, bu addım gələcək risklər yaradır: 

"Bu ziddiyyətli mövqe və maraqlar danışıqları çətinləşdirir. İranın uranı Rusiyaya verməsi, nüvə proqramının gələcəkdə bərpası üçün potensial risklər yaradır. Amerika isə hərbi müdaxiləni istəmədiyindən, danışıqların müsbət nəticələnməsi üçün müəyyən dərəcədə razılaşmaya getmək ehtimalını saxlayır. Razılaşma olsa belə, zənginləşdirilmiş uranın Rusiyaya verilməsi məsələsi məsələnin həlli istiqamətində bir addım ola bilər, amma bu, həm də gələcək risklərə yol açır. Yəni, Amerika tərəfinin buna razı olması ehtimalı var. Az olsa da, belə bir ehtimal mövcuddur". 

Jalə Rövşən

TodayPress TV