İki dost 1980-ci illərdən qalma sadə “retro” pəhriz sayəsində 60 kiloqramdan çox çəki itirib.

TodayPress TV  xəbər verir ki, bu barədə "Gazeta.ru"da məqalə dərc olunub.

Belə ki, Böyük Britaniyada 35 yaşlı Loren Nayt və 34 yaşlı Abbi Loc uşaqlıqdan bəri artıq çəki problemi ilə mübarizə aparıblar.

Naytın çəkisi təxminən 225 funt, Locun çəkisi isə 210 funt olub. Hər iki qadın övlad sahibi olduqdan sonra həyat tərzini dəyişmək və arıqlamaq qərarına gəliblər.

Nayt internetdə “1:1 Pəhriz” adlı arıqlama proqramı ilə tanış olub. Bu proqramın ilkin mərhələsində adi qida smuzi, dənli məhsullar və şorbalarla əvəz olunur. O, proqramı sınaqdan keçirməyə qərar verib və altı ay ərzində ciddi şəkildə əməl edərək təxminən 88 funt arıqlayıb. Abbi Loc isə daha sonra onun təcrübəsindən ilhamlanaraq proqramı izləyib və dörd ay ərzində təxminən 55 funt çəki itirib.

Hazırda hər iki qadının çəkisi təxminən 145 funta düşüb. Onlar artıq ciddi pəhriz saxlamadıqlarını və kalori hesablamadıqlarını bildirirlər. Nayt gizli şəkildə şokolad yemək vərdişini tərgidib, Loc isə qazlı içkiləri su ilə əvəz edib. Onların fikrincə, ən böyük dəyişiklik pəhrizdən çox, düşüncə tərzində baş verib.

Jalə Rövşən 

TodayPress TV