Günəşdə güclü partlayış baş verdi
Günəşdə “M2.6” sinfinə aid güclü partlayış qeydə alınıb.
TodayPress TV xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu məlumat yayıb.
Alimlərin hesabatına görə, təbiət hadisəsi bu gün səhər saatlarında, Bakı vaxtı ilə saat 06:46-da qeydə alınıb.
Laboratoriyadan verilən son məlumata görə, hazırda Günəşdə aktiv partlayış prosesi müşahidə olunmur.
Qeyd edək ki, “M” sinfinə aid partlayışlar güclü hesab olunur və Yer kürəsində müəyyən dərəcədə geomaqnit qasırğalarına, eləcə də rabitə sistemlərində qısamüddətli fasilələrə səbəb ola bilir.
