Çiyələk ixracı iyunda 51 % artıb
Bu ilin yanvar-iyun aylarında Azərbaycan 27 milyon ABŞ dolları dəyərində çiyələk ixrac edib.
TodayPress TV xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın iyul sayında bildirilir.
Sənədə əsasən, bu, ötən ilin 6 ayı ilə müqayisədə 4,5 milyon ABŞ dolları və yaxud 20 % çoxdur.
Təkcə iyunda isə Azərbaycan xaricə 14,5 milyon ABŞ dolları dəyərində çiyələk ixrac edib ki, bu da 1 il əvvələ nisbətən 4,9 ABŞ dolları və yaxud 51 % çoxdur.
Hesabat dövründə Azərbaycanın qeyri-neft sektoru üzrə ixracı 2024-cü ilin müvafiq dövrü ilə müqayisədə 9,9 % artaraq 1,8 milyard ABŞ dolları təşkil edib.
