Cari əməliyyatlar hesabının profisiti açıqlandı
2025-ci ilin birinci rübündə Azərbaycanın tədiyyə balansının cari əməliyyatlar hesabının (CƏH) profisiti 1,1 milyard dollar təşkil edib ki, bu da ötən ilin eyni dövrünə nisbətən 34% azdır. Ötən ilin eyni dövründə bu rəqəm 1,7 mlrd. dollar təşkil edib.
TodayPress TV xəbər verir ki, bunu keçirilən brifinqdə Azərbaycan Mərkəzi Bankının Statistika Departamentinin direktoru Samir Nəsirov deyib.
Qeyd edək ki, Mərkəzi Bankla yanaşı, beynəxalq maliyyə təşkilatları 2025-ci ilin yekunu üzrə cari əməliyyatlar hesabının profisitli olacağını proqnozlaşdırır.
