Yeni favorit? Qauff Ştutqartda iddiasını ortaya qoydu

Tennisçi Kori Qauff Almaniyanın Ştutqart şəhərində keçirilən "WTA-500" turnirində şanslarını dəyərləndirib.

TodayPress TV xəbər verir ki, o, bu barədə mətbuat konfransında danışıb. 

İkiqat “Böyük Dəbilqə” çempionu olan amerikalı tennisçi dünya reytinqinin lideri Arina Sobolenkonun yarışdan çəkilməsindən sonra favorit kimi göstərilməsinə münasibət bildirib:

“Bəli, kimlərin iştirak etməsindən asılı olmayaraq, mənim həmişə şansım var. İstənilən turnirdə uğurlu çıxış etmək mümkündür. Bu, mənim bu il ilk torpaq örtüklü turnirimdir. Digərləri artıq Billi Cin Kinq Kubokunda və Linsdə oyunlar keçiriblər. Mən qarşıma mütləq qalib gəlmək məqsədi qoymuram — əsas istəyim yaxın həftələrdə yaxşı çıxış etməkdir”.

Namiq HUN

TodayPress TV