Vinisius Mbappenin maaşını tələb etdi
“Real Madrid”in braziliyalı hücumçusu Vinisius Junior klubla yeni müqavilə danışıqlarında Kylian Mbappe ilə eyni şərtləri tələb edib.
TodayPress TV xəbər verir ki, klub rəhbərliyi isə bu tələbi qəbul etməyə hazır deyil.
Məlumata görə, hazırda illik 15 milyon avro qazanan Vinisius, maaşının Mbappe səviyyəsinə, yəni 23 milyon avroya qaldırılmasını istəyir. Mbappe kluba sərbəst agent kimi qoşulduğu üçün əlavə imza bonusları da alır.
Vinisiusun klubla müqaviləsi 2027-ci ilin yayına qədər qüvvədədir. O, ötən mövsüm bütün turnirlərdə 58 oyuna 22 qol vurub. Bu göstərici Mbappenin 44 qolluq mövsümündən xeyli geridədir.
Töhfə Səməd
