Üç güləşçimiz Avropa çempionatının finalında

İtaliyada güləş üzrə U15 Avropa çempionatı davam edir.

TodayPress TV xəbər verir ki, qitə birinciliyinin növbəti yarış günündə yunan-Roma güləşçiləri xalça üzərinə çıxıblar. 

Üç güləşçimiz turnirin final mərhələsinə vəsiqə qazanıb. 

Bunlar Hüseyn Əmrahlı (38 kq), Ömər Salmanov (44 kq) və Ruslan Nuriyevdir (75 kq). 

Digər yunan-roma güləşçilərimizdən Rahib Əhmədov (41 kq), Hüseyn Mustafazadə (52 kq) və Nadir Həsənov (62 kq) bürünc medal uğrunda yarışacaqlar.

Milli üzvlərindən Xudayar Kərimli (38 kq), Vəkil Bəşirov (48 kq) və Zöhrab Səfərov (85 kq) isə təsəlliverici görüşə çıxacaqlar.

Təsəlliverici və medallar uğrunda görüşlər bu gün keçiriləcək.

Namiq HUN