Rumıniya klubunun 94 xalı silindi

Rumıniya Futbol Federasiyası III divizionda yer alan “Universitatya" (Krayova) klubunun 94 xalını silib.

TodayPress TV “Voetbal International”a istinadən xəbər verir ki, müvafiq qərarı qurumun İntizam Komitəsi qəbul edib. 

Yeni mövsüm öncəsi cəza oyunçulara və məşqçilərə bir sıra ödənilməmiş borcları, həmçinin 2023-cü ildə ölkə kubokunda keçirilən oyun üçün “Dinamo” (Buxarest) qarşısında maliyyə öhdəliklərini yerinə yetirməməsi ilə əlaqədar verilib.

94 xalın silinməsinə illərlə yığılan sanksiyalar səbəb olub.

Qeyd edək ki, federasiya kluba borclarını ödəmək üçün sentyabrın 3-dək vaxt verib. Tələblər yerinə yetirilməsə, komanda bütün turnirlərdən kənarlaşdırılacaq.

İş üzrə yekun qərar sentyabrın 25-də veriləcək.

Namiq HUN