"Qarabağ" heyətini gücləndirir

“Qarabağ” klubu transfer çalışmalarını sürətləndirib.

TodayPress TV “Futbolinfo.az”a istinadən xəbər verir ki, Yassin Benzia, Marko Veşoviç və Patrik Andrade ilə yollarını ayıran ağdamlılar, “Zirə”də icarədə olan İsmayıl İbrahimli ilə müqaviləni qarşılıqlı razılıqla ləğv ediblər. 

Klub rəhbərliyi hazırda gedənlərin yerini doldurmağa və problemli mövqeləri gücləndirməyə çalışır. 

Baş məşqçi Qurban Qurbanov 6-7 transfer istəyir. Hazırda 4 legionerlə ilkin razılıq əldə olunub. Seçilənlərin yüksək səviyyəli futbolçular olduğu bildirilir.

“Qarabağ” stopper, sağ vinger, dayaq yarımmüdafiəçisi və hücumçu mövqelərinə yeni oyunçular tapıb. Transferlər rəsmiləşdikdən sonra heyətə daha 2-3 legioner cəlb olunacaq.

Namiq HUN