Poqba azarkeşlər üçün oynayır – motivasiyanın sirri açıqlandı

Pol Poqba dopinq qalmaqalından sonra niyə karyerasını bitirmədiyini açıqlayıb.

TodayPress TV xəbər verir ki, hazırda “Monako”da çıxış edən yarımmüdafiəçi Fransa çempionatının XXXII turunda “Mets” ilə oyun öncəsi  L1+ kanalına danışıb.

“Azarkeşlərin həm sosial şəbəkələrdə, həm də stadionlarda mənə göstərdiyi sevgini görəndə dayana bilmirəm. İnsanlara sevinc bəxş etmək istəyirəm”, – deyə Poqba bildirib.

Qeyd edək ki, futbolçunun dopinq testi ilə bağlı problem 11 sentyabr 2023-cü ildə üzə çıxmışdı. 2024-cü ilin fevralında testosteron istifadəsinə görə 4 illik diskvalifikasiya alan Poqba daha sonra cəzanın 18 aya endirilməsinə nail olub və 2025-ci ilin martında meydanlara qayıtmaq hüququ qazanıb.

Buna baxmayaraq, “Yuventus” onunla müqaviləni ləğv edib. 2025-ci ilin yayında isə “Monako” futbolçu ilə anlaşma imzalayıb.

Cari mövsümdə Poqba Fransa çempionatında 5 oyuna çıxsa da, hələ məhsuldar göstərici ilə yadda qalmayıb.

Namiq HUN

TodayPress TV